Ад пачатку года Польшча прадухіліла больш за 20 тыс. спробаў парушэння мяжы з тэрыторыі Беларусі
11 жніўня, Позірк. Ад пачатку 2025 года Польшча прадухіліла сама меней 20.009 спробаў мігрантаў незаконна перасекчы мяжу з беларускай тэрыторыі, сведчыць праведзены “Позіркам” аналіз даных Памежнай аховы гэтай краіны.
У гадавым вымярэнні актыўнасць мігрантаў на беларуска-польскай знізілася на 9,6% (1 студзеня — 10 жніўня 2024 года было 22.137 спробаў).
Літва, зыходзячы з сумы штодзённых паказчыкаў, спыніла 989 спробаў парушэння мяжы з боку Беларусі (рост у 2,6 раза ў гадавым вымярэнні; было 374), Латвія — 8.294 (рост у 2,2 раза; 3.760).
