Пяць чалавек загінулі ў аварыі ў Івацэвіцкім раёне

25 жніўня, Позірк. Каля 16:30 25 жніўня ў Івацэвіцкім раёне (Брэсцкая вобласць) на трасе М-1 “Брэст — Мінск — мяжа РФ” кіроўца BMW не справіўся з кіраваннем, выехаў на паласу сустрэчнага руху, дзе ўчыніў лабавое сутыкненне з Volkswagen і грузавіком MAN, паведамляе прэс-служба Міністэрства ўнутраных спраў.

Два чалавекі з BMW і тры з Volkswagen загінулі, адзін (дзіця) ​​шпіталізаваны.

На месца здарэння выбыў першы намеснік міністра — начальнік міліцыі грамадскай бяспекі Юрый Назаранка.

Паводле звестак прэс-службы Следчага камітэта, узбуджана крымінальная справа паводле ч. 3 арт. 317 (парушэнне правілаў дарожнага руху, якое прывяло па неасцярожнасці да смерці дзвюх і больш асоб) Крымінальнага кодэкса.

Устанаўліваюцца “ўсе акалічнасці здарэння”.