Прадстаўнік Мінфіна заявіў пра шматлікія выпадкі неэфектыўнага расходавання грошай і каштоўнасцяў, набытых за кошт казны

1 верасня, Позірк. Нягледзячы на ўвесь комплекс мер прафілактычнага і папераджальнага характару, што прымаюцца, пакуль не атрымліваецца зусім выкараніць непатрэбныя выдаткі, без якіх бюджэтным арганізацыям “цалкам можна дамагацца пастаўленых мэтаў і выканання задач, не дапушчаючы пры гэтым зніжэння якасці“. Пра гэта гаворыцца ў артыкуле намесніка начальніка галоўнага ўпраўлення Міністэрства фінансаў па Гомельскай вобласці — начальніка кантрольна-рэвізійнага ўпраўлення Дзмітрыя Атаманчука для навукова-практычнага часопіса “Финансы. Учет. Аудит“ (заснавальнікі — Міністэрства фінансаў, Беларускі дзяржаўны эканамічны ўніверсітэт, Беларускі дзяржаўны ўніверсітэт, “Белдзяржстрах”).

“На стадыі папярэдняга кантролю казначэйства вобласці прадухіляецца неэфектыўнае выкарыстанне бюджэтных сродкаў на значныя сумы, што дазваляе прыцішыць фінансавыя апетыты асобных кіраўнікоў арганізацый“, — піша Атаманчук. Аднак, працягвае ён, “не ўсё можна выявіць падчас такіх мерапрыемстваў”. “У выніку наступнага кантролю, які праводзіцца з дапамогай праверак і маніторынгаў, выяўляюцца шматлікія выпадкі неэфектыўнага расходавання грашовых сродкаў, а таксама матэрыяльных каштоўнасцяў, набытых за кошт казны“, — адзначае прадстаўнік Мінфіна.

Паводле яго інфармацыі, з пачатку 2023 года па красавік 2025-га ў Гомельскай вобласці выяўлена неэфектыўных выдаткаў на 2 млн 395,4 тыс. рублёў.

Працяг артыкула даступны падпісчыкам “Позірк+” (калі спасылка не працуе, карыстайцеся, калі ласка, гэтай)