2 верасня, Позірк. “Улічваючы патрэбы прадпрыемстваў і значную колькасць працоўных за мяжой беларусаў, РБ патрабуецца стымуляваць вяртанне кваліфікаваных і высокакваліфікаваных спецыялістаў”. Такое меркаванне выказала асістэнт кафедры Гомельскага дзяржаўнага ўніверсітэта імя Ф. Скарыны Валерыя Рабчанка ў артыкуле для навукова-практычнага часопіса “Финансы. Учет. Аудит“ (заснавальнікі — Міністэрства фінансаў, Беларускі дзяржаўны эканамічны ўніверсітэт, Беларускі дзяржаўны ўніверсітэт, “Белдзяржстрах”).
“Іх не трэба адаптаваць да мясцовых рэалій, часта яны сур’ёзныя прафесіяналы. Таму аддача ад рэпатрыяцыі можа быць вышэйшай, чым ад замежніка, нават з аналагічным узроўнем ведаў”, — піша аўтар.
У той жа час, лічыць яна, “без прыцягнення дадатковых чалавечых рэсурсаў будзе складана захаваць канкурэнтаздольнасць на знешніх рынках, ды і агулам гарантаваць дзейнасць камерцыйных арганізацый у ключавых галінах, а таксама бюджэтных устаноў (медыцынскіх і г.д.)”.
Працяг тэкста даступны падпісчыкам “Позірк+” (калі спасылка не працуе, карыстайцеся, калі ласка, гэтай)
