У Мінску на праспекце Машэрава прарвала вадаправод, затопленая праезная частка

2 верасня, Позірк. Рамонтныя брыгады “Мінскводаканала” працуюць на месцы аварыі на праспекце Машэрава, паведамляецца ў тэлеграм-канале Мінгарвыканкама.

Як адзначаецца, 2 верасня ў 13:30 “будаўнічай арганізацыяй пашкоджана вадаправодная сетка” дыяметрам 600 мм, з-за чаго “адбылося выцяканне вады на праезную частку праспекта”.

У паведамленні гаворыцца, што “адключэння спажыўцоў і зніжэння ціску не адбылося”.