У Мінску зафіксаваны першы тэмпературны рэкорд восені

5 верасня, Позірк. Першы тэмпературны рэкорд восені 2025 года зафіксаваны ў Мінску.

4 верасня паветра ў сталіцы прагрэлася да 28,4 градуса. Ранейшы лакальны рэкорд дня пратрымаўся год (28,1).

Агулам па краіне абнавілася тры максімумы. Акрамя Мінска гэта адбылося ў Пінску — 30,3 (30,2 у 2018 годзе) і Клічаве — 28,8 (28,1 у 2018 і 2024 гадах). Паўтарыўся рэкорд на метэастанцыі “Палеская” ў Лунінецкім раёне — 29,7 градуса (у 2024 годзе).

Абсалютны рэкорд дня трымаецца 128 гадоў (30,8 градуса ў Мар’інай Горцы 4 верасня 1897 года).

Іншыя падрабязнасці даступныя падпісчыкам “Позірк+” (калі спасылка не працуе, карыстайцеся, калі ласка, гэтай)