21 верасня ў Беларусі зафіксаваны новы тэмпературны рэкорд дня за ўвесь перыяд метэаназіранняў

22 верасня, Позірк. Новы тэмпературны рэкорд дня за ўвесь перыяд інструментальных метэаназіранняў зафіксаваны 21 верасня ў Беларусі, сведчыць праведзены “Позіркам“ параўнальны аналіз аператыўных і архіўных даных Белгідрамета.

У Жыткавічах паветра прагрэлася да 29,5 градуса цяпла. Ранейшы рэкорд пратрымаўся 22 гады (28,5 у Высокім). Лакальны максімум у Жыткавічах складаў 28 градусаў (у 2018 годзе).

Абнавіліся экстрэмумы ў сталіцы і трох абласных цэнтрах. У Мінску было 27,4 градуса (27 у 2018 годзе), Гродне — 29 (26,4 у 2018-м), Магілёве — 28,4 (26,8 у 2018-м), Брэсце — 28,1 (27,8 у 2003-м).

Агулам па краіне перакрытыя гістарычныя максімумы дня на 33 з 48 метэастанцый, архіў якіх даступны.

Паводле прагнозу Белгідрамета, 22 верасня стане апошнім днём летняга надвор’я. Чакаецца ад 21 градуса па паўночным захадзе да 29 па поўдні.

Іншыя падрабязнасці даступныя падпісчыкам “Позірк+” (калі спасылка не працуе, карыстайцеся, калі ласка, гэтай)