23 верасня, Позірк. У Беларусі зноў абнавіўся гістарычны рэкорд цяпла. 22 верасня ў Жыткавічах і Акцябрскім паветра прагрэлася да 29,4 градуса вышэй за нуль, сведчыць праведзены “Позіркам“ параўнальны аналіз аператыўных і архіўных даных Белгідрамета. Ранейшы максімум дня быў ніжэйшы на 2 градусы (у 2018 годзе ў Брагіне). Лакальны экстрэмум у Жыткавічах да гэтага складаў 26,3 градуса (у 1983 і 2023 гадах), у Акцябрскім — 26,2 (2023).
Напярэдадні быў перапісаны абсалютны рэкорд, які трымаўся 22 гады (29,5 градуса ў Жыткавічах супраць 28,5 у Высокім).
Усяго 21 верасня абнавілася 33 лакальныя рэкорды, 22-га — 34.
22 верасня стала апошнім днём летняга надвор’я. Паводле прагнозу Белгідрамета, 23 верасня будзе ад 11 да 18 градусаў, па паўднёвым усходзе ад 18 да 24. У наступныя дні яшчэ халадней — ад 10 да 16 градусаў. У ноч на 25 верасня замаразкі да мінус 3.
Іншыя падрабязнасці даступныя падпісчыкам “Позірк+” (калі спасылка не працуе, карыстайцеся, калі ласка, гэтай)
