27 верасня, Позірк. Праваабарончая супольнасць 26 верасня прызнала палітычнымі зняволенымі яшчэ дзевяць чалавек, вынікае з сумеснай заявы, апублікаванай на сайце праваабарончага цэнтра “Вясна”. Цяпер у Беларусі 1.201 палітвязень.
Палітвязнямі прызнаныя ўзятыя пад варту і асуджаныя да пазбаўлення волі ў сувязі з узаемадзеяннем з “экстрэмісцкімі фарміраваннямі” Дзяніс Пілат, Яўген Мазец, Алена Рыбак, Юрый Анісаў, Айрат Халікаў, Аляксей Камовіч, Аляксей Капліч, Барыс Хусаінаў і Іван Юшкевіч.
Праваабаронцы патрабуюць ад уладаў Беларусі неадкладна вызваліць усіх палітычных зняволеных і спыніць палітычныя рэпрэсіі супраць грамадзян краіны.
Заяву, акрамя “Вясны”, падпісалі Lawtrend; Respect-Protect-Fulfill; Беларускі ПЭН; Офіс па правах людзей з інваліднасцю; “Прававая ініцыятыва”; Беларускі дом правоў чалавека імя Барыса Звозскава; Human Constanta; Беларускі Хельсінкскі Камітэт.
Аўтарызавацца
Забыліся пароль?
Выхад з профілю
