У спіс “экстрэмістаў” дададзена 27 чалавек

10 кастрычніка, Позірк. Міністэрства ўнутраных спраў дадало ў спіс “асоб, датычных да экстрэмісцкай дзейнасці” яшчэ 27 чалавек. Цяпер у дакуменце, размешчаным на сайце ведамства, 5 875 пазіцый.

У спіс уключаны Артур Сыракваша, Аляксандр Варабей, Ірына Сасім, Аляксандр Кульшын, Анастасія Бранько, Антон Арцюх, Віталь Кошаль, Андрэй Ярашэвіч, Вольга Лукомская, Дзмітрый Бока, Анатоль Вольскі, Лізавета Малчанава, Арцём Сухойда, Ігар Сідаровіч, Наталля Памагаева, Валянцін Анціповіч, Ганна Шпак, Андрэй Кавалеў, Юлія Мудрэўская, Сяргей Комар, Віталь Рамановіч, Інга Беланава, Аляксандра Сухойда, Аляксей Дарошчанкаў, Сяргей Белы, Аляксей Шышлоўскі, Алла Лісоўская.

З іх пакаранне адбываюць палітвязні Сідаровіч (асуджаны паводле арт. 342 Крымінальнага кодэкса (арганізацыя і падрыхтоўка дзеянняў, што груба парушаюць грамадскі парадак, або актыўны ўдзел у іх)) і арт. 361⁴ (садзейнічанне экстрэмісцкай дзейнасці), а таксама Шпак (арт. 361⁴).

Таксама адбываюць пакаранне Артур Сыракваша, Антон Арцюх, Анатоль Вольскі, Валянцін Анціповіч, Андрэй Кавалёў, Юлія Мудрэўская, Сяргей Комар і Сяргей Белы. Мудрэўская асуджаная паводле арт. 342 КК, астатнія — паводле арт. 361⁴ КК.

Уключаныя ў спіс Сухойда, Беланава, Памагаева і Малчанава вызваленыя ад адказнасці ў сувязі са сканчэннем тэрміну прыцягнення паводле арт. 342 КК.

У астатніх ёсць паметка “судзімасць не пагашана”, што, як правіла, азначае прызначэнне пакарання, не звязанага з пазбаўленнем волі.