З 2020 года прынята каля 100 тыс. рашэнняў аб датэрміновым распараджэнні сямейным капіталам

13 кастрычніка, Позірк. Па стане на 1 кастрычніка бягучага года прынята больш за 96 тыс. рашэнняў аб датэрміновым распараджэнні сямейным капіталам, паведаміла 13 кастрычніка намеснік міністра працы і сацыяльнай абароны Юлія Берднікава на прэс-канферэнцыі ў Мінску.

З іх 77% рашэнняў датычацца паляпшэння жыллёвых пытанняў сям’і пры куплі або будаўніцтве жылля, пагашэнні крэдытаў, пазык, выдадзеных на жыллё, 14% — атрымання адукацыі, 9% — адукацыя.

Паводле даных Мінпрацы, для шматдзетных сем’яў усяго адкрыта 149.250 дэпазітных рахункаў “Сямейны капітал”: 82,6 тыс. дэпазітных рахункаў на суму 826 млн. долараў ЗША і 66,6 тыс. дэпазітных рахункаў на суму 1,76 млрд. рублёў.

На датэрміновае распараджэнне сродкамі сямейнага капіталу пададзена 99.573 заявы.

Праграма сямейнага капіталу для сем’яў з трыма і больш дзецьмі працуе з 2015 года. З 2020 года з’явілася магчымасць скарыстаць сродкі датэрмінова. На 2025 год памер сямейнага капіталу складае 33 275 рублёў. У параўнанні з 2024 годам ён павялічыўся на 5,7% (1.795 рублёў) пры росце спажывецкіх коштаў за мінулы год на 5,16%.

Тэрмін дзеяння праграмы працягнуты да канца 2029 года.