Прадстаўнікі дэмсіл выступілі на першым пасяджэнні польскай рабочай групы, створанай для садзейнічання беларускім эмігрантам

14 кастрычніка, Позірк. Рэжым Аляксандра Лукашэнкі, вымусіўшы многіх беларусаў пакінуць радзіму, “фактычна і юрыдычна адступіў ад выканання абавязацельстваў дзяржавы ў дачыненні да сваіх грамадзян, якія знаходзяцца за межамі краіны”. Пра гэта заявіў намеснік кіраўніка Аб’яднанага пераходнага кабінета (АПК), кіраўнік Народнага антыкрызіснага ўпраўлення (НАУ) Павел Латушка на першым пасяджэнні польскай міжведамаснай рабочай групы па вырашэнні пытанняў, звязаных з беларускай дыяспарай.

Пасяджэнне прайшло 13 кастрычніка, паведаміла “Позірку” прэс-служба Латушкі.

Паводле слоў намесніка кіраўніка АПК, невыкананне беларускім рэжымам згаданых абавязацельстваў варта ўлічваць пры абмеркаванні праблемных пытанняў знаходжання беларусаў у Польшчы і іншых дзяржавах, куды яны вымушаныя былі выехаць. Гэта “адрознівае сітуацыю беларусаў ад грамадзян іншых дзяржаў, якія звяртаюцца па міжнародную абарону або іншую форму легалізацыі ў Польшчы ці ў іншых краінах іх знаходжання”, падкрэсліў Латушка.

Адзначаецца, што палітык паведаміў экспертам Камісіі фінансавага нагляду Польшчы аб праблемах з адкрыццём банкаўскіх рахункаў для былых палітвязняў, уладальнікаў гуманітарных віз і суіскальнікаў міжнароднай абароны.

Прадстаўнікоў Міністэрства сям’і, працы і сацыяльнай палітыкі Латушка папрасіў аказваць садзейнічанне ў вырашэнні пытанняў пенсійнага забеспячэння беларусаў, якія атрымалі ў Польшчы міжнародную абарону. У прыватнасці, намеснік кіраўніка кабінета адзначыў неабходнасць распрацаваць “інструкцію на беларускай мове, якая тлумачыла б працэдуру атрымання пенсійнага забеспячэння на тэрыторыі Польшчы, а таксама іншых праблемныя пытанні сацыяльнай падтрымкі беларусаў, якія знаходзяцца ў цяжкім сацыяльным становішчы ў краіне знаходжання”.

Паведамляецца, што польскі бок быў таксама апавешчаны аб праблемах, з якімі сутыкаюцца беларусы пры атрыманні віз (у тым ліку гуманітарных). У рэалізацыі Варшавай візавай палітыкі “адзначана важнасць захавання максімальна спрыяльных умоў для міжасобасных кантактаў паміж беларусамі і палякамі”.

З прадстаўнікамі Міністэрства ўнутраных спраў і адміністрацыі абмяркоўвалася тэма “рэалізацыі запытаў Інтэрпола ў выпадку выкарыстання палітычна матываваных падстаў для затрымання і наступных спробаў выдачы беларусаў, калі гэта звязана з пагрозамі пераследу на тэрыторыі Беларусі”.

З супрацоўнікамі консульскага дэпартамента МЗС і Упраўлення па справах замежнікаў падымаліся пытанні, звязаныя з дзеяннямі грамадзян Беларусі, якія “страцілі ў трэціх краінах дакументы, якія легалізуюць іх знаходжанне на тэрыторыі Польшчы”. Бакі абмеркавалі магчымасць звароту беларусаў у такіх выпадках у консульскія ўстановы Польшчы для вяртання на тэрыторыю краіны.

З прадстаўнікамі Міністэрства інфраструктуры абмяркоўваліся правілы перарэгістрацыі аўтамабіляў грамадзянамі Беларусі на польскай тэрыторыі “ў сувязі з планаванымі зменамі ў дзеючым заканадаўстве Польшчы”.

Акрамя Латушкі, беларускі бок на пасяджэнні рабочай групы прадстаўлялі дарадца Святланы Ціханоўскай па маладзёжнай палітыцы і студэнцтве Маргарыта Ворыхава, прадстаўнік АПК па міжнародным і еўрапейскім супрацоўніцтве Уладзімір Астапенка, прадстаўніца кабінета па сацыяльнай палітыцы Вольга Зазулінская.

Аб стварэнні ў Польшчай міжведамаснай рабочай групы па Беларусі стала вядома ў кастрычніку 2024 года.