Лаўрэатамі прэміі “Голас пакалення свабоды” абвешчана 18 чалавек

21 кастрычніка, Позірк. Журы заснаванай у 2025 годзе прэміі “Голас пакалення свабоды” абвясціла першых лаўрэатаў — агулам 18 чалавек.

Паводле інфармацыі “Прэс-клуба Беларусь”, імі сталі (у алфавітным парадку паводле прозвішчаў):

• актрыса Зоя Белахвосцік,
• фатограф Генадзь Верацінскі,
• праваабаронца Уладзімір Вялічкін,
• акцёр Аляксандр Гарцуеў,
• журналіст Алег Груздзіловіч,
• выкладчыца Наталля Дуліна,
• культуролаг Максім Жбанкоў,
• праваабаронца Андрэй Завадскі,
• праваабаронца Аляксандр Капуцкі,
• журналіст Валер Карбалевіч,
• аналітык інфармацыйнага агенцтва “Позірк” Аляксандр Класкоўскі,
• літаратар Зося Кустава,
• журналістка Любоў Лунёва,
• журналіст Віктар Марчук,
• выкладчыца Тамара Мацкевіч,
• філосаф Уладзімір Мацкевіч,
• экаактывістка Ірына Сухій,
• журналіст Сяргей Сыс.

Арганізатарамі прэміі “Голас пакалення свабоды” з’яўляюцца Беларускі ПЭН, праваабарончы цэнтр “Вясна”, Беларуская асацыяцыя журналістаў, “Прэс-клуб Беларусь”, Фонд “Свабодная прэса для Усходняй Еўропы” (пры падтрымцы шэрагу арганізацый).

Узнагарода, як адзначана на сайце “Прэс-клуба Беларусь”, заснаваная для таго, каб адзначыць выбітных асоб беларускай праваабарончай, літаратарскай і журналісцкай супольнасці ва ўзросце ад 60 гадоў, якія пасля 2020 года “былі вымушаны з’ехаць з Беларусі праз пераслед і працягваюць сваю працу па-за межамі краіны ў Польшчы, Чэхіі ці Літве”.

Прэмія ўключае фінансавую частку (некалькі тысяч еўра). Імёны лаўрэатаў будуць апублікаваныя ў зборніку, які плануецца прадставіць у лістападзе 2025 года.