1 лістапада, Позірк. У кастрычніку 2025 года на тэрыторыю Беларусі прыбыло 9.837 грамадзян Украіны — на 11,05% больш, чым у верасні (8.858), сведчыць праведзены “Позіркам” аналіз штомесячных даных Дзяржаўнага пагранічнага камітэта.
Транзітам праз Польшчу ў мінулым месяцы прыбыло 8.576 украінцаў (у 1,8 раза больш; 4.728), Літву — 1.197 (у 2,8 раза менш; 3.319), Латвію — 62 (у 13 разоў менш; 801), непасрэдна з Украіны — 2 (у 5 разоў менш; 10).
Ад пачатку гэтага года ў краіну ўехала 97.805 грамадзян Украіны: з польскай тэрыторыі — 76.684, літоўскай — 19.098, латвійскай — 1.965, украінскай — 58.
Праведзены “Позіркам” аналіз статыстычных даных Дзяржпагранкамітэта паказаў, што ад пачатку поўнамаштабнай расійскай агрэсіі (24 лютага 2022 года), у Беларусь уехала 378.639 грамадзян Украіны. З іх непасрэдна праз украінска-беларускую мяжу — 16.075, транзітам праз Польшчу — 281.397, Літву — 72.682, Латвію — 8.485.
Паводле інфармацыі пагранічнага ведамства, за 2024 год у Беларусь заехаў 134.561 грамадзянін Украіны. У прыватнасці, як сцвярджалася, з тэрыторыі Украіны гэта зрабіла 68 чалавек, транзітам праз Польшчу — 107.154, Літву — 25.362, Латвію — 1.977. Паводле прыблізных разлікаў “Позірку”, у 2023 годзе ў Беларусь прыбыло больш за 71 тыс. грамадзян Украіны; такім чынам, за год іх колькасць вырасла прыкладна ў 1,9 раза.
“Дзяржпагранкамітэт Беларусі займаецца несумленнай падачай лічбаў і чыстай вады маніпуляцыяй”, — заявіў у інтэрв’ю “Позірку” ў лютым 2024 года Ігар Кізім, які на той момант займаў пасаду амбасадара па асаблівых даручэннях МЗС Украіны па Беларусі. Паводле яго слоў, гаворку трэба весці пра звычайныя паездкі грамадзян Украіны ў Беларусь.
Апошнія апублікаваныя на сённяшні дзень даныя ААН дэманструюць, што пасля значнага скарачэння колькасці ўкраінскіх уцекачоў, якое назіралася раней, лік крыху вырас. На 3 кастрычніка 2025 года па ўсім свеце іх налічвалася 5.752.670 (на 31 ліпеня — 5.675.680, на 17 красавіка — 6.917.800), у тым ліку ў краінах Еўропы — 5.192.110 (5.115.120, 6.357.600).
