У Мінску ў адным з бізнес-цэнтраў адбыўся пажар, эвакуявалі 120 чалавек

18 лістапада, Позірк. Падраздзяленні МНС ліквідавалі пажар у бізнес-цэнтры ў Мінску, паведамляе Міністэрства па надзвычайных сітуацыях.

Падчас правядзення разведкі выратавальнікі выявілі ўзгаранне ў паравым аддзяленні саўны ў падвальным паверсе будынка.

Адміністрацыя аб’екта і МНС эвакуявалі 120 чалавек.

Ніхто не пацярпеў.

На месцы здарэння працавалі восем адзінак тэхнікі МНС. Адрас аб’екта не называецца.

За мінулыя суткі (з 6:00 17 лістапада да 6:00 18 лістапада) на пажарах у Беларусі загінуў адзін чалавек, яшчэ трое траўмаваныя, вынікае з аператыўнай зводкі Міністэрства па надзвычайных сітуацыях.

Паводле даных ведамства, у краіне за гэты час адбылося 15 надзвычайных сітуацый тэхнагеннага характару.

З пачатку 2025 года ад агню загінула 449 чалавек, у тым ліку чатыры дзіцяці (за аналагічны перыяд 2024-га — 444 і 11 адпаведна). Агулам у сёлета адбылося 5.576 пажараў (5.308)