У беларускім дэмакратычным асяроддзі няма сацыяльных ліфтаў для моладзі — Ворыхава

30 лістапада, Позірк. Палітычныя структуры беларускіх дэмакратычных сіл адчуваюць “вельмі вялікую праблему” з уцягваннем моладзі, заявіла прадстаўніца Аб’яднанага пераходнага кабінета па маладзёжнай палітыцы і студэнцтве, член фракцыі Каардынацыйнага савета “Маладзёвы наступ” Маргарыта Ворыхава на канферэнцыі “Belarus Future Unconference 2025“ 29 лістапада ў Варшаве.

“Згодна ў замежнымі прыкладамі, моладзевыя арганізацыі часта выкарыстоўваюцца як магчымасць для палітычнага росту — [актывісты] ідуць у нацыянальныя маладзёжныя парады і пасля гэтага могуць разлічваць, што да іх будзе больш схільна грамадства, іх будуць лепш разумець <…>, у іх будзе магчымасць выбірацца, напрыклад, у парламент і далей выбудоўваць сваю кар’еру”, — адзначыла Ворыхава.

У такой сістэме ў маладых людзей ёсць рэсурсы, падтрымка і “зразумелыя лесвіцы, куды ім далей рухацца”, сказала яна.

“У беларускай палітычнай апазіцыйнай дэмакратычнай тусоўцы, скажам так, такога сацыяльнага ліфта няма, — падкрэсліла прадстаўніца АПК. — І няма падтрымкі, якая патрэбна для моладзі для таго, каб вось гэты шлях праходзіць”.

“Калі мы возьмем беларускае апазіцыйнае асяроддзе, то мы, па сутнасці, просім [уключацца] моладзь 18–25 гадоў — гэта тыя гады, калі закладваюцца самыя фундаментальныя структуры для жыцця (зарабляць першы капітал, атрымліваць адукацыю, першую працу, напрацоўваць рэзюмэ) як падушка для росту, — патлумачыла яна. — Што мы можам прапанаваць? спаборнічаць з ІТ-кампаніямі, з бізнесам, не можам прапанаваць нейкай забяспечанай будучыні, <…>, зразумелай структуры росту“.

Іншыя падрабязнасці даступныя падпісчыкам “Позірк+”