Саўмін дазволіў замаўляць з адной крыніцы паслугі для правядзення УНС

5 снежня, Позірк. Дзяржаўныя закупкі работ і паслуг, неабходных для падрыхтоўкі і правядзення другога пасяджэння сёмага Усебеларускага народнага сходу (УНС) могуць ажыццяўляцца з адной крыніцы, вынікае з апублікаванай 5 снежня Нацыянальным прававым парталам пастановы ўрада.

Да пераліку такіх работ і паслуг аднесеныя паслугі па пражыванні (паслугі гасцініц); паслугі па арганізацыі харчавання; паслугі (работы) па вырабе паліграфічнай прадукцыі (брашуры, даведачная інфармацыя, запрашэнні, пасведчанні, флоўтэры, пропуску, бэйджы і інш.); паслугі гукаўзмацнення і агучвання, а таксама паслугі электрасувязі (доступ да інтэрнэту, арганізацыя сеткі Wi-Fi і інш.).

Другое пасяджэнне VII УНС павінна прайсці ў Мінску 18–19 снежня.