Праз аварыю на рэйках амаль на гадзіну быў парушаны трамвайны рух каля стадыёна “Дынама” ў Мінску

16 снежня, Позірк. Пра аварыю на рэйках вечарам 16 снежня амаль на гадзіну быў парушаны рух трамваяў каля стадыёна “Дынама” ў цэнтры Мінска.

Як паведамілі “Позірку” відавочцы, у ДТЗ трапілі два аўтамабілі, адзін з іх таксі. Спыніўся рух трамваяў № 1 (пл. Мяснікова — Зялёны Луг), № 4 (пл. Мяснікова — Возера) і № 7 (пл. Мяснікова — Серабранка). Пацярпелых няма.

Паводле інфармацыі прадпрыемства “Мінсктранс”, рух спыніўся ў 17:44 і аднавіўся ў 18:41. Быў арганізаваны часовы аўтобусны маршрут № 907 Вакзал — З. Бядулі.

Аўтамабілі заблакавалі рух ад вакзала, у супрацьлеглы бок некаторыя трамваі ішлі, частку пусцілі да разваротнага кола на пл. З. Бядулі.

Гэтая аварыя была як мінімум чацвёртай з пачатку дня ў шэрагу тых, што парушылі рух грамадскага транспарту, сведчаць праведзены “Позіркам” аналіз аператыўных паведамленняў “Мінсктранса”. Затрымка руху склала ад 14 да 39 хвілін. Было закранута 7 тралейбусных маршрутаў, адзін з іх, № 20 (Вакзал — Серабранка), — двойчы на працягу гадзіны ў розных раёнах.

З улікам вышэйапісанага за апошнія пяць дзён у сталіцы здарылася чатыры ДТЗ, якія паўплывалі на рух трамваяў. Папярэднія былі 12 снежня (затрымка 1 гадзіна 14 хвілін) і 15-га (24 і 32 хвіліны).

За 11 месяцаў 2025 года курсы аўтакіравання ў Беларусі падаражэлі на 33,6%, гэта трэцяе месца сярод усіх тавараў і паслуг, якія маніторыць Нацыянальны статастычны камітэт.