16 снежня, Позірк. Какава-парашок, натуральная молатая кава і курсы кіравання аўтамабілем найбольш падаражэлі ў Беларусі за 11 месяцаў 2025 года, сведчыць праведзены “Позіркам“ аналіз звестак Белстата (без уліку сезоннай плодаагародніннай прадукцыі).
Цэны на какава-парашок павялічыліся на 74,10%, каву — на 35,02%, курсы аўтакіравання сталі даражэй на 33,60% пры агульным росце спажывецкіх цэн за гэты перыяд на 6,49%.
У першую пяцёрку па падаражэнні сярод несезонных харчовых тавараў акрамя вышэйназваных увайшлі салёны селядзец (+27,68%), шакалад (+24,55%) і мёд (+23,73%). Патаннелі толькі рыс (-13,59%) і аліўкавы алей (-6,87%).
Цэны на нехарчовыя тавары павысіліся ў сярэднім на 2,79%. У лідарах — штотыднёвыя газеты (+17,44%), глебагрунт (+17,39%), штодзённыя газеты (+16,78%), губная памада (16,59%) і штомесячныя часопісы (+16,01%).
Іншыя падрабязнасці даступныя падпісчыкам “Позірк+” (калі спасылка не працуе, карыстайцеся, калі ласка, гэтай)
