Латвія і Літва зафіксавалі рэзкі рост актыўнасці нелегальных мігрантаў ля сваіх межаў з Беларуссю

19 снежня, Позірк. Аб рэзкім росце актыўнасці нелегальных мігрантаў ля сваіх межаў з Беларуссю сведчыць статыстыка, апублікаваная Латвіяй і Літвой па выніках 18 снежня.

Латвійская пагранслужба зафіксавала 69 спроб (днём раней — 12; з 1 па 16 снежня — ад 0 да 8), літоўская — 17 (днём раней — ніводнай; з 29 лістапада па 16 снежня — ад 0 да 2).

Польшча ў мінулыя суткі спробаў незаконна перасекчы мяжу не адзначала (днём раней — 1, з 12 па 15 снежня — ніводнай).

З пачатку снежня суседнія краіны Еўрасаюза зафіксавалі 357 спробаў незаконнага пераходу на сваю тэрыторыю з Беларусі.

Іншая статыстыка даступная падпісчыкам “Позірк+” (калі спасылка недаступная, карыстайцеся, калі ласка, гэтай)