Долар нязначна патаннеў перад доўгімі выходнымі

24 снежня, Позірк. Амерыканская валюта нязначна патаннела 24 снежня на апошніх перад доўгімі выходнымі таргах на Беларускай валютна-фондавай біржы.

Курс долара знізіўся да 2,9126 рубля (-0,003%; -0,0001).

Расійскі рубель падаражэў да 3,7173 за 100 (+0,21%; +0,0079), юань — да 4,1475 за 10 (+0,13%; +0,0052).

Таргі еўра не праводзіліся. 19 снежня ён падаражэў да 3,465 (+0,08%; +0,0029).

На гэтым кароткім працоўным тыдні (22–24 снежня) еўра не таргаваўся, каціроўка долара знізілася на 1% (з 2,9419 да 2,9126), юаня — на 0,51% (з 4,1688 да 4,1475 за 10), расійскага рубля — вырасла на 1,48% (з 3,6632 да 3,7173 за 100).

Афіцыйны курс долара ў Беларусі за 11 месяцаў 2025 года знізіўся на 16,07% (з 3,4735 да 2,9153 рубля) — гэта другі паказчык на тэрыторыі былога СССР, сведчыць праведзены “Позіркам” параўнальны аналіз каціровак цэнтрабанкаў на 31 снежня 2024 года і 30 лістапада 2025-га (па выніках студзеня, студзеня — лютага, студзеня — сакавіка, студзеня — красавіка, студзеня — траўня, студзеня — чэрвеня, студзеня — ліпеня, студзеня — жніўня было другое месца, -1,73%, -8,54%, -10,25%, -12,16%, -13,7%, -14,6%, -12,97%, -14,3% адпаведна; студзеня — верасня і студзеня — кастрычніка — трэцяе — -12,92% і -14,29% адпаведна).

У 2024 годзе афіцыйны курс долара ў Беларусі вырас на 9,32% (з 3,1775 да 3,4735 рубля). Гэта чацвёрты паказчык на тэрыторыі былога СССР.