Беларусь заняла другое месца на тэрыторыі былога СССР па зніжэнні афіцыйнага курсу долара ў 2025 годзе

2 студзеня, Позірк. На 16,43% (з 3,4735 да 2,9027 рубля) знізіўся афіцыйны курс долара ЗША ў Беларусі ў 2025 годзе. Гэта другі паказчык на тэрыторыі былога СССР, сведчыць праведзены “Позіркам“ параўнальны аналіз каціровак цэнтрабанкаў на 31 снежня 2024 года і 31 снежня 2025-га.

У 2024 годзе Беларусь была чацвёртай па росце афіцыйнага курсу амерыканскай валюты (+9,32%), у 2023-м — другой (+16,12%), у 2022-м — трэцяй (+7,39%), у 2021-м — чацвёртай сярод краін на тэрыторыі былога СССР, дзе долар патаннеў (-1,19%), у 2020-м — першай па яго падаражэнні (+22,59%).

На першай пазіцыі паводле вынікаў 2025 года Расія, дзе долар патаннеў на 23,07% (са 101,6797 да 78,2267 рубля).

У снежні долар у Беларусі патаннеў на 0,43% — шостае месца пасля Казахстана (-1,94%), Латвіі, Літвы, Эстоніі (-1,56%) і Малдовы (-1,20%).

Больш статыстыкі даступна падпісчыкам “Позірк+” (калі спасылка не працуе, карыстайцеся, калі ласка, гэтай)