У навагодніх мерапрыемствах узяло ўдзел больш за 200 тыс. чалавек — МУС

5 студзеня, Позірк. Больш за 200 тыс. чалавек узялі ўдзел у вулічных навагодніх мерапрыемствах 31 снежня і 1 студзеня, паведаміў начальнік галоўнага ўпраўлення аховы правапарадку і прафілактыкі Міністэрства ўнутраных спраў Аляксандр Купчэня на прэс-канферэнцыі 5 студзеня.

Паводле яго слоў, ахова парадку забяспечана больш чым у 1,5 тыс. месцах (такая ж лічба называлася год таму. — “Позірк“.), у тым ліку ў 20 месцах запуску феерверкаў. Надзвычайных здарэнняў не зафіксавана, грубых парушэнняў грамадскага парадку не дапушчана, сказаў Купчэня.

Колькасці ўдзельнікаў вулічных навагодніх урачыстасцяў у 2025 годзе ў адкрытым доступе няма, у 2024-м МУС паведамляла пра 275 тыс. чалавек.