У 2025 годзе Белгідрамет выдаў 143 папярэджанні аб неспрыяльных метэаз’явах, інфармаванне стала ранейшым на 27 хвілін

12 студзеня, Позірк. 143 папярэджанні аб неспрыяльных метэаралагічных з’явах (аранжавы ўзровень небяспекі) выдалі беларускія сіноптыкі ў 2025 годзе, паведаміла начальнік службы метэаралагічных прагнозаў Белгідрамета Марына Грыцкевіч на прэс-канферэнцыі 12 студзеня.

Паводле яе слоў, па колькасці складзеных папярэджанняў мінулы год апынуўся на трэцім месцы за апошняе дзесяцігоддзе пасля 2024-га (154) і 2022-га (149).

Найчасцей сіноптыкі папярэджвалі аб навальніцах — 51 раз.

Як адзначыла прадстаўнік службы, у 2025 годзе ў параўнанні з 2024-м удалося зрабіць больш раннім інфармаванне — у сярэднім з 15 гадзін 40 хвілін да 16 гадзін 7 хвілін (з моманту выпуску папярэджання да дасягнення з’явай надвор’я крытэрыю неспрыяльнага).

Больш падрабязнасцяў даступна падпісчыкам “Позірк+” (калі спасылка не працуе, карыстайцеся, калі ласка, гэтай)