Матэрыял даступны толькі падпісчыкам
ПОЗІРК+Хроніка палітычных рэпрэсій за 24 чэрвеня 2026 года
Матэрыял даступны толькі падпісчыкам
ПОЗІРК+
Лукашэнка падпісаў дакумент аб далучэнні Беларусі да “Савета міру” Трампа
20 студзеня, Позірк. Дакумент аб далучэнні Беларусі да “Савета міру” падпісаў 20 студзеня Аляксандр Лукашэнка, паведамляе неафіцыйны тэлеграм-канал яго прэс-службы.
Адзначаецца, што Лукашэнка зрабіў гэта “ў поўнай адпаведнасці з прадугледжанай працэдурай, якая была абазначана ў лісце прэзідэнта ЗША Дональда Трампа”.
Напярэдадні прэс-сакратар Міністэрства замежных спраў Руслан Варанкоў паведаміў, што на адрас Лукашэнкі паступіў асабісты зварот Трампа, у якім Мінску “ў кантэксце ўрэгулявання сітуацыі ў Газе прапануецца стаць заснавальнікам Савета міру — новай міжнароднай арганізацыі”.
“Мы высока цэнім, што амерыканскі бок бачыць Беларусь, і гэта наўпрост абазначана ў тэксце звароту, як дзяржаву, гатовую ўзяць на сябе высакародную адказнасць за пабудову трывалага міру, і весці за сабой сілай прыкладу, інвеставаць у бяспечную і квітнеючую будучыню для будучых пакаленняў”, — адзначыў прадстаўнік МЗС.
Прапанова, паводле яго слоў, разглядаецца ў Мінску “як прызнанне асабістых заслуг і міжнароднага аўтарытэту кіраўніка беларускай дзяржавы”.
Паводле інфармацыі Варанкова, аб прапанове было дакладзена Лукашэнку, яна “ўспрынята ім станоўча”.
15 студзеня Трамп абвясціў аб фарміраванні “Савета міру”, які будзе кіраваць аднаўленнем сектара Газа. Стварэнне гэтай структуры ўваходзіць у мірны план амерыканскага лідара для Газы нароўні з размяшчэннем міжнародных сіл.
Ачоліць орган сам прэзідэнт ЗША. Было заяўлена, што ў яго заснавальніцкі выканаўчы савет, акрамя самога Трампа, увойдуць дзяржаўны сакратар ЗША Марка Рубіа, спецыяльны прадстаўнік ЗША па Блізкім Усходзе Стывен Уіткаф, зяць Трампа Джарэд Кушнер, былы прэм’ер Вялікабрытаніі Тоні Блэр, намеснік дарадцы па нацбяспецы ЗША Роберт Гэбрыел, кіраўнік Сусветнага банка Аджай Бангка і інвестар Марк Роўэн.
Паводле інфармацыі заходніх СМІ, ЗША запрасілі далучыцца да “Савета міру” каля 50 дзяржаў.
Зяленскі не ўяўляе, як Украіна можа супрацоўнічаць з Беларуссю і РФ у рамках "Савета міру" Трампа
20 студзеня, Позірк. Украіна атрымала запрашэнне далучыцца да "Савета міру", стварэнне якога ініцыяваў прэзідэнт ЗША Дональд Трамп, заявіў кіраўнік украінскай дзяржавы Уладзімір Зяленскі. Разам з тым, паводле інфармацыі агенцтва "Укрінформ", палітык не ўяўляе, як Украіна будзе супрацоўнічаць у адным органе …
