За суткі на пажарах загінулі тры пенсіянеры

21 студзеня, Позірк. За мінулыя дзяжурныя суткі (з 6:00 20 студзеня да 6:00 21 студзеня) на тэрыторыі Беларусі на пажарах загінулі тры чалавекі, паведамляе прэс-служба Міністэрства па надзвычайных сітуацыях.

Усяго за суткі адбылося 33 пажары, з пачатку года — 658 (за аналагічны перыяд 2025-га — 340; рост у 1,84 разы).

Мінулай ноччу агонь забраў жыцці пенсіянераў, якія жылі сумесна (жанчына 1962 г.н. і мужчына 1963 г.н.) у вёсцы Ляплёўка Брэсцкага раёна.

Яшчэ адна гібель зафіксавана днём 20 студзеня — на пажары ў жылым доме ў вёсцы Руміна Аршанскага раёна (Віцебская вобласць) знойдзена цела гаспадара жылля (1960 г.н.).

З пачатку года ўжо загінула 85 чалавек (за аналагічны перыяд 2025-га — 45; рост у 1,89 раза).