Літва не прапускае грузавікі праз пункт Мядзінінкай да вечара 24 студзеня — Дзяржпагранкамітэт Беларусі
24 студзеня, Позірк. Праз праблемы ў працы праграмнага абсталявання мытных баз Літва прыпыніла ўезд фур праз пункт пропуску Мядзінінкай (з беларускага боку — Каменны Лог), паведамляе прэс-служба Дзяржаўнага пагранічнага камітэта Беларусі.
“Папярэдне, рух адновіцца не раней за 20:00, — гаворыцца ў паведамленні. — Афармленне легкавога транспарту і аўтобусаў працягваецца ў штатным рэжыме”.
Дзяржпагранкамітэт рэкамендаваў грузаперавозчыкам “улічваць гэтую інфармацыю пры планаванні паездак у Літву” і сачыць за абстаноўкай перад беларускімі пунктамі пропуску на інфармацыйным партале ведамства.
