1 лютага, Позірк. Рашэнне аб прыпыненні заняткаў у школах можа прымацца мясцовымі выканкамамі ў выпадку, калі “тэмпература будзе зафіксавана на адзнацы -20 ° С і ніжэй”, гаворыцца ў рэлізе Міністэрства адукацыі ў сувязі з пагаршэннем надвор’я, якое чакаецца.
Пры гэтым ведамства звяртае ўвагу: “З улікам умоў надвор’я ў канкрэтнай мясцовасці бацькі маюць права прыняць рашэнне не адпраўляць дзяцей ва ўстанову адукацыі незалежна ад тэмпературы”.
Мінадукацыі “нагадвае, што ў гэтым выпадку па месцы знаходжання дзяцей павінны быць забяспечаны максімальна бяспечныя ўмовы, а таксама неабходна загадзя папярэдзіць выхавацеля дзіцячага сада або класнага кіраўніка”.
У выпадку, калі дзіця застаецца дома, “дадатковыя дакументы ва ўстанову адукацыі падаваць не спатрэбіцца”.
Аб прадаўжэнні аранжавага ўзроўню небяспекі з-за маразоў на 2 лютага паведаміў Белгідрамет. Уначы і раніцай на большай частцы тэрыторыі краіны тэмпература паветра панізіцца да -25..-30°С, месцамі — да -31..-33°С. Аналагічным прагноз быў напярэдадні.
У сувязі з умовамі надвор’я Міністэрства аховы здароўя з 31 студзеня па 3 лютага перавяло “стацыянарную і хуткую медыцынскую дапамогу” ў рэжым павышанай гатоўнасці да надзвычайнай сітуацыі.
