Долар, еўра і юань падаражэлі на біржавых таргах 4 лютага

4 лютага, Позірк. Амерыканская, адзіная еўрапейская і кітайская валюты падаражэлі на таргах Беларускай валютна-фондавай біржы 4 лютага 2026 года.

Курс долара вырас да 2,8787 рубля (+0,36%; +0,0103), юаня — да 4,1418 за 10 (+0,09%; +0,0036), еўра — да 3,3983 рубля (+0,22%; +0,0075).

Каціроўка расійскага рубля знізілася да 3,7347 за 100 (-0,06%; -0,0023).

На мінулым працоўным тыдні (26-30 студзеня) каціроўка долара знізілася на 0,38% (з 2,844 да 2,8331), юаня — на 0,04% (з 4,0764 да 4,0749 за 10), еўра (да справаздачнага тыдня апошні раз таргаваўся 15 студзеня) — на 0,23% (з 3,391 да 3,3831); расійскага рубля — вырасла на 0,32% (з 3,7411 да 3,7529 за 100).

На 1,83% (з 2,9027 да 2,8496 рубля) знізіўся афіцыйны курс долара ЗША ў Беларусі ў студзені гэтага года. Гэта другі паказчык на тэрыторыі былога СССР, сведчыць праведзены “Позіркам“ параўнальны аналіз каціровак цэнтрабанкаў на 31 снежня 2025 года і 31 студзеня 2026-га.

Афіцыйны курс долара ЗША ў Беларусі ў 2025 годзе знізіўся на 16,43% (з 3,4735 да 2,9027 рубля). Гэта таксама другое месца на тэрыторыі былога СССР.

У 2024 годзе Беларусь была чацвёртай па росце афіцыйнага курсу амерыканскай валюты (+9,32%), у 2023-м — другой (+16,12%), у 2022-м — трэцяй (+7,39%), у 2021-м — чацвёртай сярод краін на тэрыторыі былога СССР, дзе даляр патаннеў (-1,19%), у 2020-м — першай па яго падаражэнні (+22,59%).