Рассельгаснагляд вярнуў у Беларусь партыю каўбасы і смятаны

6 лютага, Позірк. Чарговую партыю гатовай мясной і малочнай прадукцыі забараніла ўвозіць з Беларусі ў Пскоўскую вобласць (РФ) Федэральная служба ветэрынарнага і фітасанітарнага нагляду (Рассельгаснагляд).

На гэты раз, паводле інфармацыі прэс-службы ведамства, пры ветэрынарным кантролі 600 кг варана-вэнджанай каўбасы і смятаны “ўстаноўленая адсутнасць пацвярджаючых бяспеку і паходжанне тавараў ветэрынарных суправаджальных дакументаў”.

Акрамя таго, перавозчыкам былі парушаныя ветэрынарна-санітарныя правілы транспарціроўкі прадукцыі (на аўтамабілі не было халадзільнага абсталявання).

Перамяшчэнне тавару забаронена і вернута на тэрыторыю Беларусі.

27 студзеня па падобных прычынах быў забаронены ўвоз у РФ 200 кг сыру і гатовай мясной прадукцыі, а 20 студзеня было вернута ў Беларусь 400 кг вараных каўбасных вырабаў з свіных субпрадуктаў і паўцвёрды сыр.

Раней паведамлялася, што за 2025 год Паўночна-Заходняе міжрэгіянальнае ўпраўленне Рассельгаснагляду (адказвае за Санкт-Пецярбург, Ленінградскую, Наўгародскую, Пскоўскую і Валагодскую вобласці) зафіксавала 36 выпадкаў з аналагічнымі парушэннямі пры ўвозе прадукцыі жывёльнага паходжання, усе тавары агульнай масай больш за 50 тон былі вернутыя ў Беларусь.

У Бранскай вобласці за 2025 год прадухілены нелегальны ўвоз з тэрыторыі Беларусі амаль 30 тон мясамалочнай прадукцыі, даных па памежнай таксама з Беларуссю Смаленскай вобласці ведамства не апублікавала.