Колькасць фігурантаў адміністрацыйных спраў у 2025 годзе знізілася амаль на 20%

12 лютага, Позірк. У 2025 годзе раённыя і гарадскія суды вынеслі пастановы па справах аб адміністрацыйных правапарушэннях у дачыненні да 143.735 чалавек (у 2024-м — 178.116; памяншэнне на 19,3%), вынікае з апублікаваных даных Вярхоўнага суда.

Найбольш распаўсюджанымі правапарушэннямі былі распіццё алкагольных і слабаалкагольных напояў, ужыванне наркатычных і псіхатропных рэчываў або з’яўленне ў грамадскіх месцах у стане ап’янення — 22.208 выпадкаў (32.472). За дробны крадзеж прыцягнута да адказнасці 10.076 чалавек, за дробнае хуліганства — 9.315 (16.243).

Па мытных правапарушэннях вынесена 3.770 пастаноў, за непавагу да суда — 194.

Спынена 25.748 спраў аб адміністрацыйных правапарушэннях, у тым ліку праз “адсутнасць падзеі правапарушэння” — 33, у сувязі з адсутнасцю складу правапарушэння — 807.

Падрабязнасці даступныя падпісчыкам “Позірк+”