У Бабруйску перакрыты рух транспарту па пуцеправодзе ў сувязі з пагрозай яго абрынання
2 сакавіка, Позірк. У Бабруйску перакрыты рух транспарту па пуцеправодзе над чыгуначнымі шляхамі (вул. К. Маркса) у сувязі з пагрозай яго абрынання, паведаміла 2 сакавіка МНС.
Супрацоўнікі ведамства зафіксавалі “нахіленне пешаходнай дарожкі ўздоўж пуцеправода”. “Ратавальнікі ахавалі небяспечную зону. Рух транспарту арганізаваны па іншых дарогах горада”, — адзначаецца ў прэс-рэлізе.
На месцы інцыдэнту адбываецца выязное пасяджэнне гарадской камісіі па НС.
