78-гадовая жанчына загінула ў Чэрвені пасля падзення ў калодзеж

5 сакавіка, Позірк. Пра гібель у Чэрвені (Мінская вобласць) 78-гадовай жанчыны паведамляе Следчы камітэт.

Паводле папярэдніх звестак, 4 сакавіка каля 13 гадзін пенсіянерка з інваліднасцю па зроку ўпала ў калодзеж паблізу прыватнага дома па вуліцы Камарова.

“Ратавальнікі аператыўна прыбылі і дасталі пенсіянерку, аднак яна памерла да прыезду медыкаў”, — адзначае СК.

На месцы здарэння працавала следча-аператыўная група.

“Праведзены агляд, канфіскаваныя ўзоры вады. Апытаныя відавочцы, прызначаныя неабходныя экспертныя даследаванні, у тым ліку судова-медыцынская экспертыза для ўстанаўлення дакладнай прычыны смерці. Папярэдняя прычына — спыненне сэрца”, — гаворыцца ў паведамленні.

Сцвярджаецца, што металічны люк на калодзежы адсутнічаў. Глыбіня збудаванні складае 2,2 метра, узровень вады — 1,38 метра ад паверхні.

Ведамства абяцае ўстанавіць усе абставіны здарэння.