Супольнасць “Беларусы ў Валенсіі” прызнана “экстрэмісцкім фарміраваннем”
Лагатып супольнасці "Беларусы ў Валенсіі"
10 сакавіка, Позірк. Міністэрства ўнутраных спраў 10 сакавіка прызнала групу тэлеграм-чатаў “Беларусы ў Валенсіі” “экстрэмісцкім фарміраваннем”, вынікае з абноўленага спісу на сайце ведамства.
Сцвярджаецца, што да “фарміравання” маюць дачыненне Мікіта Трацьякевіч (1989 года нараджэння), Марына Корж (1984), Уладзімір Ліхалап (2003), Алег Бурагін (1988), Аляксандра Лунева (1989), Віталіна Крэнць (1991), Аляксей Носаў (1975), Аляксей Несцярэнка (1985).
У групе чатаў “Беларусы ў Валенсіі” 362 падпісчыкі. Там абмяркоўваецца жыццё ў Іспаніі, ёсць чаты “Нерухомасць”, “Пошук працы” і інш.
У спісе “экстрэмісцкіх фарміраванняў” цяпер 337 пазіцый.
