Праўладная Кампартыя правяла мерапрыемства “77 гадоў імперыялістычнаму блоку НАТО”, запатрабаваўшы роспуску альянсу
5 красавіка, Позірк. Круглы стол “77 гадоў імперыялістычнаму блоку НАТО” правяла Камуністычная партыя Беларусі (КПБ). Пра гэта 5 красавіка паведаміў тэлеграм-канал праўладнай структуры.
Заяўляецца, што мерапрыемства было арганізавана КПБ сумесна з “Антыімперыялістычным рухам у рамках міжнароднай кампаніі барацьбы супраць НАТО”.
Прыводзіцца спіс спікераў — у яго ўвайшлі амбасадар Ірана Алірэза Санеі, амбасадар Кубы Сант’яга Перэс Бенітэс, прадстаўнік дыпмісіі РФ Данііл Харытонаў, названы “вайсковым экспертам” Андрэй Багадзель, кіраўнік КПБ Сяргей Сыранкоў, члены Кампартыі Пётр Пятроўскі, Аляксей Дзермант, а таксама “прадстаўнік Антыімперыялістычнага руху, член Лігі камуністычнай моладзі” Надзея Сабліна.
У мерапрыемстве таксама прынялі ўдзел “выкладчыкі і студэнты з Кітая”, без канкрэтыкі гаворыцца ў паведамленні.
“Удзельнікі круглага стала выказалі сваю салідарнасць са справядлівай барацьбой іранскага народа супраць агрэсіі ЗША і сіянісцкага Ізраіля, а таксама падтрымалі супраціў кубінскага народа”, — заяўлена па выніках мерапрыемства.
Удзельнікі “выказалі перакананасць”, што “агрэсіўны блок НАТО пагражае ўсім міралюбным народам свету і таму павінен быць распушчаны”.
“Толькі сумеснымі намаганнямі мы зможам атрымаць перамогу над імперыялізмам”, — адзначае КПБ.
Улетку і ўвосень 2023 года рэжым Аляксандра Лукашэнкі ліквідаваў 12 палітычных партый. У краіне засталося чатыры праўладныя партыі — “Белая Русь”, Ліберальна-дэмакратычная партыя, Камуністычная партыя Беларусі і Рэспубліканская партыя працы і справядлівасці.
Старшыня партыі "Белая Русь" Чамаданава адзначыла "глыбокую роднасць" Беларусі і Паўночнай Карэі
16 сакавіка, Позірк. "Шчырыя і цёплыя віншаванні" з нагоды "абрання таварыша Кім Чэн Ына" на пасаду генеральнага сакратара Працоўнай партыі КНДР выказала старшыня партыі "Белая Русь" Вольга Чамаданава падчас наведвання 16 сакавіка паўночнакарэйскай амбасады ў Мінску. "Гэтая падзея — сведчанне …
