Мінфін павялічвае цэны на скупку золата і памяншае — на срэбра і плаціну

13 красавіка, Позірк. Цэны на каштоўныя металы ў вырабах і ломе, якія скупляюцца ў фізічных асоб, зменяцца пастановай Міністэрства фінансаў ад 2 красавіка № 16.

Як паведамляецца, дакумент уступіць у сілу пасля яго публікацыі на Нацыянальным прававым інтэрнэт-партале.

Анансавана павышэнне цэн на скупку золата, зніжэнне — на срэбра і плаціну.

Цэны на золата павялічацца на 3,41% за 1 грам: 375 пробы — да 152,53 рубля (цяпер 147,5), 500 — 203,37 (196,66), 583 і 585 — 237,94 (230,09), 750 — 305,06 (294,99), 900 — 366,07 (353,99), 916 — 372,57 (360,28), 950 — 386,4 (373,65), 958 — 389,66 (376,8).

Кошт вырабаў і лому з срэбра, якое скупляецца ў грамадзян, знізіцца: 750 пробы — да 4,76 (5,43; -12,34%), 800 — 5,07 (5,79; -12,44%), 875 — 5,55 (6,34; -12,46%), 916 — 5,81 (6,63; -12,37%), 925 — 5,86 (6,7; -12,54%), 960 — 6,09 (6,95; -12,37%).

Плаціна 950 пробы стане танней на 14,58% — 163,44 (191,33).

Папярэдні раз цэны на каштоўныя металы ў такім выглядзе былі павялічаныя па ўсіх пазіцыях з 31 студзеня пастановай Мінфіна ад 22 студзеня № 4.