Актыўнасць нелегальных мігрантаў ля мяжы Беларусі з ЕС у красавіку вырасла ў 4 разы ў параўнанні з сакавіком
3 траўня, Позірк. У 4 разы вырасла ў статыстычным вымярэнні актыўнасць нелегальных мігрантаў ля мяжы Беларусі з Еўрасаюзам у красавіку 2026 года ў параўнанні з сакавіком, сведчыць праведзены “Позіркам“ аналіз масіва аператыўных звестак памежных службаў суседніх краін ЕС.
Зафіксавана 2.195 спробаў незаконнага пераходу мяжы (у сярэднім 73 у суткі). У сакавіку іх было 544 (18).
Красавіцкі паказчык перавысіў сумарны за студзень-сакавік (669) у 3,3 раза.
Латвія ў мінулым месяцы зарэгістравала 1.700 спробаў пранікнення на сваю тэрыторыю — у 5,6 раза больш, чым у красавіку (302), і ў 5,3 раза больш, чым за ўвесь першы квартал (322), а дэ-факта — за люты і сакавік, паколькі на працягу студзеня актыўнасць нелегалаў ля мяжы не назіралася.
Літва зафіксавала ў красавіку 481 спробу — у 3,2 раза больш, чым у сакавіку (149), і ў 2,5 раза больш, чым за першы квартал (189).
Супрацьлеглая тэндэнцыя назіралася на польска-беларускай мяжы, дзе ў красавіку было адзначана 14 спробаў пераходу — у 6,6 раза менш, чым у сакавіку (93). Апошнія два тыдні (з 17 па 30 красавіка) Памежная ахова Польшча не фіксавала актыўнасці нелегалаў.
