Жыхар Верхнядзвінскага раёна прыгавораны да абмежавання волі за стральбу з пнеўматыкі па нагах непаўналетніх

4 траўня, Позірк. Да 3,5 года абмежавання волі без накіравання ў папраўчую ўстанову адкрытага тыпу (ПУАТ) прыгавораны 18-гадовы жыхар Верхнядзвінскага раёна (Віцебская вобласць), паведамляе Генеральная пракуратура.
Рашэнне прынятае судом Віцебскага раёну, фігурант прызнаны вінаватым у “асабліва злосным хуліганстве” (ч. 3 арт. 339 КК).
Паведамляецца, што крымінальная справа была разгледжана ў выязным судовым пасяджэнні ў будынку АУС Віцебскага райвыканкама ў прысутнасці навучэнцаў Віцебскага дзяржаўнага аграрна-тэхнічнага каледжа і аграрнага каледжа Віцебскай дзяржаўнай акадэміі ветэрынарнай медыцыны.
Згодна з матэрыяламі справы, абвінавачаны “ў лютым 2026 года, знаходзячыся ў прыбіральні навучальнага корпуса, а таксама двойчы ў пакоі інтэрната каледжа, здзейсніў супрацьпраўныя дзеянні ў дачыненні да трох аднагодкаў”.
У прыватнасці, як адзначаецца, выкарыстоўваючы пнеўматычны газабалонны пісталет мадэлі Borner PM-X, ён “адкрыта дэманстраваў зброю і накіроўваў яе ў бок пацярпелых”. Пры гэтым ён “выказваў ім пагрозы прымянення гвалту”.
“У развіццё падзей ён зрабіў стрэлы сферычнымі кулямі ў вобласць ног 17-гадовых пацярпелых. У выніку супрацьпраўных дзеянняў дваім навучэнцам прычыненыя цялесныя пашкоджанні. У судовым пасяджэнні абвінавачаны прызнаў сваю віну ў поўным аб’ёме”, — гаворыцца ў паведамленні.
Прысуд у законную сілу не ўступіў і можа быць абскарджаны.
- Грамадства
- Грамадства
- Эканоміка
- Грамадства
- Грамадства, Палітыка
- Грамадства, ПалітыкаУ трэцім квартале 2026 года з Грузіі выехала на 7 тыс. грамадзян Беларусі больш, чым заехала ў яе (падрабязна)Матэрыял даступны толькі падпісчыкам ПОЗІРК+
- Эканоміка
- ЭканомікаЗа 10 месяцаў 2026 года найбольш падаражэлі ікра ласосевых, USB-назапашвальнікі і запалкі (падрабязна)Матэрыял даступны толькі падпісчыкам ПОЗІРК+
- Палітыка
- Грамадства, Эканоміка
- Грамадства
- Грамадства
- Палітыка, Эканоміка
- Грамадства, Эканоміка
- Грамадства
- Грамадства
- Палітыка
- Грамадства, ПалітыкаУ кастрычніку Літва надала статус уцекача чатыром грамадзянам БеларусіМатэрыял даступны толькі падпісчыкам ПОЗІРК+
- Эканоміка
- ЭканомікаБеларусь лідзіруе ў ЕАЭС паводле росту цэн на прадукцыю горназдабыўной прамысловасці (падрабязна)Матэрыял даступны толькі падпісчыкам ПОЗІРК+



