Мінабароны анансавала камандна-штабныя вучэнні ў Лідскім раёне з удзелам войскаў тэрабароны
24 траўня, Позірк. 24–26 траўня пад кіраўніцтвам намесніка старшыні Гродзенскага аблвыканкама пройдуць камандна-штабныя вучэнні, паведамляе Міністэрства абароны.
“Манеўры — частка планавага навучальнага збору тэрытарыяльных войскаў Лідскага раёна. У іх возьмуць удзел ваеннаабавязаныя, прызваныя з запасу, супрацоўнікі органаў унутраных спраў, а таксама добраахвотнікі народнага апалчэння”, — гаворыцца ў паведамленні.
Мэтай вучэнняў названа “ўдасканаленне навыкаў афіцэраў па кіраўніцтву падначаленымі сіламі тэрытарыяльнай абароны і навучанне асабістага складу зладжаным дзеянням пры вырашэнні задач ТэрА”.
“Увага будзе нададзеная прымяненню тэрытарыяльных войскаў сумесна з падраздзяленнямі ўнутраных войскаў, тэрытарыяльнымі органамі ўнутраных спраў і добраахвотнікамі народнага апалчэння, а таксама пытанням абароны асабістага складу і аб’ектаў ад беспілотных лятальных апаратаў з выкарыстаннем розных сродкаў”, — заяўляе ведамства.
22 траўня ў Лідскім раёне (Гродзенская вобласць) пад кіраўніцтвам міністра абароны Віктара Хрэніна праходзіў штогадовы збор “Ваенная бяспека і абарона дзяржавы”.
У мерапрыемствах удзельнічалі дзяржаўны сакратар Савета бяспекі Аляксандр Вальфовіч, прадстаўнікі Мінабароны, Генштаба і сілавых ведамстваў, кіруючы склад абласных і Мінскага гарвыканкама, ваенныя камісары абласцей і сталіцы.
Мэтай было названа “павышэнне ўзроўню падрыхтоўкі кіруючага складу <…> выканаўчых камітэтаў у пытаннях тэрытарыяльнай абароны”.
Выступаючы перад удзельнікамі збору, Хрэнін сярод іншага заявіў, што геапалітычнае становішча “змушае больш шчыльна займацца пытаннямі тэрытарыяльнай абароны, пераконвацца ў жыццяздольнасці сістэмы часцей чым звычайна”.
Як заявіў Хрэнін, “зыходзячы з досведу ўзброеных канфліктаў і “спецыяльнай ваеннай аперацыі” (захопніцкая вайна Расіі супраць Украіны) у Мінабароны ўдакладнілі і ўдасканалілі сістэму падрыхтоўкі войскаў тэрытарыяльнай абароны, “пачынаючы ад добраахвотніка ў народным апалчэнні, ваеннаабавязанага і заканчваючы кіраўніком мясцовых органаў улады”.
У сакавіку прайшла трэніроўка па кіраванні фарміраваннем тэрытарыяльных войскаў пад кіраўніцтвам начальніка Генштаба Узброеных сіл — першага намесніка міністра абароны Паўла Муравейкі.
Тэрытарыяльныя войскі — род войскаў Узброеных сіл, які склікаецца ў перыяд вайны або напружанай ваенна-палітычнай абстаноўкі. Выконвае дапаможныя функцыі. Складаецца з асоб, якія прайшлі службу і знаходзяцца ў запасе.
Мінск падтрымлівае Маскву ў развязанай ёю ў лютым 2022 года поўнамаштабнай вайне супраць Украіны. Напад пачаўся ў тым ліку з беларускай тэрыторыі.
- Грамадства
- Грамадства, Эканоміка
- Палітыка, Эканоміка
- Грамадства, Палітыка
- Грамадства, ПалітыкаБеларусы зноў сярод замежнікаў, высланых з Грузіі за апошнія дні (падрабязна)Матэрыял даступны толькі падпісчыкам ПОЗІРК+
- Грамадства, ПалітыкаМігранты больш за 500 разоў з пачатку лістапада спрабавалі трапіць праз Беларусь у ЕСМатэрыял даступны толькі падпісчыкам ПОЗІРК+
- Грамадства, Палітыка, Палітыка
- Грамадства, ПалітыкаНа патрабаванне ўладаў Польшчы за мінулы тыдзень краіну пакінула 22 грамадзяніны Беларусі (падрабязна)Матэрыял даступны толькі падпісчыкам ПОЗІРК+
- ПалітыкаХроніка палітычных рэпрэсій за 14–16 лістапада 2026 годаМатэрыял даступны толькі падпісчыкам ПОЗІРК+
- Палітыка, Эканоміка
- Грамадства
- Эканоміка
- ЭканомікаЗа пяць гадоў запасы прампрадукцыі на складах выраслі больш чым удвая (падрабязна)Матэрыял даступны толькі падпісчыкам ПОЗІРК+
- Бяспека, Палітыка
- Палітыка, Эканоміка
- Грамадства, Палітыка
- Грамадства
- Грамадства, Палітыка
- Грамадства, Палітыка
- Грамадства



