Швейцарскі суд у чэрвені разгледзіць скаргу на апраўдальны прысуд былому байцу САХРа Гараўскаму, які мае дачыненне да гучных знікненняў

28 траўня, Позірк. 24 чэрвеня суд швейцарскага кантона Санкт-Гален разгледзіць у апеляцыйным парадку справу былога байца спецыяльнага атрада хуткага рэагавання (САХР) Юрыя Гараўскага, паведамляе Deutsche Welle.

Скаргу на прыгавор падалі сваякі зніклых апанентаў Аляксандра Лукашэнкі, праваабарончыя арганізацыі “Вясна“, Trial International і Міжнародная федэрацыя за правы чалавека.

У 2019 годзе былы баец САХР Гараўскі заявіў у СМІ, што 7 траўня 1999-га быў у складзе так званага “эскадрону смерці“, які на загад камандзіра атрада Дзмітрыя Паўлічэнкі выкраў і забіў былога міністра ўнутраных спраў Юрыя Захаранку, а 16 верасня таго ж года — палітыка Віктара Ганчара і бізнесмена Анатоля Красоўскага.

У верасні 2023 года суд швейцарскага горада Роршах разгледзеў справу аб гвалтоўным знікненні Захаранкі, Ганчара і Красоўскага ў рамках універсальнай юрысдыкцыі. Гвалтоўнае знікненне класіфікуецца як злачынства супраць чалавечнасці. Суд прызнаў Гараўскага невінаватым, палічыўшы недастатковымі доказы яго віны.

Праваабаронцы заявілі, што апраўдальны прысуд не ставіць пад сумнеў злачынствы рэжыму Лукашэнкі.

Гл. таксама:

Скарга на апраўдальны прысуд экс-байцу САХРа Гараўскаму ўсё яшчэ разглядаецца — FIDH