Аранжавы ўзровень небяспекі аб’яўлены ў Віцебскай і Магілёўскай абласцях, чакаюцца навальніцы, ліўні і град

12 ліпеня, Позірк. У дзвюх абласцях Беларусі на 12 ліпеня абвешчаны аранжавы ўзровень небяспекі праз непагадзь, паведамляе Міністэрства па надзвычайных сітуацыях.

Гаворка аб Віцебскай і Магілёўскай абласцях.

Са спасылкай на Белгідрамет паведамляецца, што з 13 да 19 гадзін у гэтых рэгіёнах чакаюцца навальніцы, месцамі моцныя ліўні, у асобных раёнах град.

“Неспрыяльныя з’явы захаваюцца да 23 гадзін”, — адзначае ведамства.

МНС традыцыйна заклікала грамадзян і кіраўнікоў арганізацый прыняць меры засцярогі ў сувязі з непагаддзю. 

Раней 12 ліпеня МНС паведаміла пра “фактары небяспекі” ў сувязі з непагаддзю. Ведамства папярэдзіла, што магчымыя “пашкоджанні (абрывы) ліній сувязі і электраперадач, адключэнне электрычных падстанцый, электраэнергіі ў населеных пунктах, узнікнення лясных пажараў”.

Таксама не выключаныя “пажары ў жылых і вытворчых будынках, зніжэнне бачнасці, цяжкасць руху транспарту, павелічэнне верагоднасці дарожна-транспартных здарэнняў, падтапленне асобных дамоў, гаспадарчых пабудоў, агародаў, сельгасугоддзяў, аўтадарог мясцовага значэння”.

Адзначалася, што 12 ліпеня ў Беларусі будзе воблачна з праясненнямі. На большай частцы тэрыторыі кароткачасовыя дажджы, у асобных раёнах навальніцы. У дзённыя гадзіны месцамі па паўночным усходзе моцныя дажджы. Вецер паўночна-заходні 3–8 м/с, пры навальніцах парывы да 14 м/с. Тэмпература паветра — 18–24 градусов, у паўночных раёнах — да 26.