Матэрыял даступны толькі падпісчыкам
ПОЗІРК+У васьмі банках новаўвядзенні ў працы з кліентамі
Матэрыял даступны толькі падпісчыкам
ПОЗІРК+
Работнікі з Узбекістана не павінны застацца па-за ўвагай МУС — Кубракоў
16 ліпеня, Позірк. Работнікі з Узбекістана не павінны застацца па-за ўвагай супрацоўнікаў Міністэрства ўнутраных спраў, заявіў кіраўнік ведамства Іван Кубракоў 16 ліпеня на нарадзе УУС Віцебскага аблвыканкама.
Паводле яго слоў, узбекскім работнікам трэба растлумачыць, што “ў Беларусі жывуць законапаслухмяныя грамадзяне”, тут бяспечна, таму замежным работнікам “неабходна датрымлівацца дзейнага заканадаўства” (на падставе відэафрагмента, апублікаванага прэс-службай МУС).
“Наша задача — аказаць гасцям усю неабходную дапамогу: ад рэгістрацыі да паўнацэннай адаптацыі ў Беларусі. Бо людзі прыехалі ў іншую краіну, існуе розніца ў менталітэце, — цытуе Кубракова прэс-служба МУС. — Трэба ставіцца да гэтага з разуменнем, даступна і падрабязна тлумачыць асаблівасці нашага заканадаўства. Але яшчэ раз акцэнтую: нашая ключавая мэта гэта аказанне рэальнай дапамогі! Участковыя інспектары міліцыі і супрацоўнікі падраздзяленняў па грамадзянстве і міграцыі павінны разумець, што калі пытанне ўваходзіць у нашу кампетэнцыю, вырашаем яго ў абавязковым парадку. Калі не, робім гэта сумесна з іншымі органамі ўлады”.
Беларусь па-ранейшаму захоўвае прывабнасць для мігрантаў, у тым ліку працоўных, сцвярджае міністр.
Паводле яго слоў, для падтрымання стабільнай сітуацыі органы ўнутраных спраў рэалізавалі мерапрыемствы па прафілактыцы правапарушэнняў і злачынстваў з удзелам названай катэгорыі асоб. Становішча ў гэтай сферы МУС лічыць кіраваным, якое не чыніць “уплыву на грамадскую бяспеку і сацыяльна-палітычную абстаноўку ў краіне”.
Як паведамлялася, 255 жыхароў Андыжанскай вобласці Узбекістана раней былі “арганізавана накіраваныя і працаўладкаваныя ў Віцебскай вобласці”.
Заяўлялася, што Мінск і Ташкент дамовіліся пра рэалізацыю новых праектаў на базе 11 жывёлагадоўчых комплексаў. Кожны з іх разлічаны на ўтрыманне ад 200 да 3 тыс. галоў буйной рагатай жывёлы і мае “дастатковыя кармавыя ўгоддзі”.
15 ліпеня ўзбекскія работнікі выказалі незадаволенасць умовамі жыцця і заробкам, паколькі пасля вылікаў на ежу і выдаткі на штодзённыя патрэбы ў іх застанецца каля 200 долараў. Яны прасілі вярнуць іх на радзіму. Аднак 16 ліпеня працоўныя мігранты запісалі новае відэа, у якім сцвярджалася, што спрэчныя пытанні вырашаныя, і яны задаволеныя ўмовамі працы і пражывання, паведамляе “Пресса.uz — Новости Узбекістана”.
Адзін з работнікаў асобна патлумачыў, што ролік быў зняты ў першы дзень пасля прыезду і накіраваны ў закрытую групу, у сацсетках відэа распаўсюдзілася без яго ведама. Мужчына сцвярджае, што цяпер прадстаўнікам Узбекістана прапанавалі іншую працу, падвысілі заробак да 700 долараў і выдзелілі бясплатнае жыллё і харчаванне.
Прыбыццё ў Віцебскую вобласць 5 тыс. работнікаў з Узбекістана анансавала 14 ліпеня прэс-служба Аляксандра Лукашэнкі.
Гаворка пра жыхароў Андыжанскай вобласці, яны пачнуць прыязджаць у Беларусь групамі па 500 чалавек, пачынаючы з верасня. Адзначаецца, што ў рэгіёне “падрыхтуюць неабходныя ўмовы для іх прыёму”.
“Грамадзян Узбекістана плануецца прыцягваць не толькі ў сельскую гаспадарку, але і ў будаўніцтва, прамысловасць, сферу паслуг, для работы ў якасці малодшага медыцынскага персаналу”, — гаворыцца ў паведамленні.
Узбекістан анансаваў адкрыццё ў Віцебску міграцыйнага агенцтва для працаўладкавання суайчыннікаў
15 ліпеня, Позірк. "Пытанні арганізаванага працаўладкавання грамадзян" у Беларусі абмяркоўваліся 15 ліпеня ў Ташкенце на нарадзе з удзелам прэзідэнта Узбекістана Шаўката Мірзіёева, паведамляе яго прэс-служба. Як адзначаецца ў рэлізе, "на першым этапе" ў Беларусі плануецца працаўладкаваць на конкурснай аснове 1.100 …
Агенцтва міграцыі Узбекістана будзе падбіраць кандыдатаў на працу згодна з патрабаваннямі беларускіх наймальнікаў
9 ліпеня, Позірк. Мінск і Ташкент запусцяць "новы механізм арганізаванага працаўладкавання", паведамляе прэс-служба Міністэрства працы і сацыяльнай абароны. Гэта вынікае з падпісанага 9 ліпеня ў Мінску кіраўніком ведамства Андрэем Лабовічам і міністрам замежных спраў азіяцкай дзяржавы Бахціерам Саідавым міжурадавага пагаднення …
