У афіцыйнай назве БПЦ цяпер пазначаная прыналежнасць да Маскоўскага патрыярхата
Мінскае епархіяльнае ўпраўленне БПЦ
16 ліпеня, Позірк. Святы сінод Рускай праваслаўнай царквы (РПЦ) на пасяджэнні 16 ліпеня ўхваліў “прынятыя Сінодам Беларускага Экзархата змены ў Статут Рэспубліканскага аб’яднання “Беларуская Праваслаўная Царква” (БПЦ) з уключэннем у гэта найменне дапаўнення” — “Беларускі Экзархат Маскоўскага Патрыярхата”, вынікае з паведамлення на сайце РПЦ.
Як паведамлялася раней, на пасяджэнні 24 ліпеня 2025 года Святы сінод РПЦ прыняў рашэнне “нагадаць” БПЦ, што “афіцыйныя найменні” Беларускага экзархата, а таксама яго “кананічных структур — епархій, прыходаў, манастыроў, падворкаў ды іншых” — павінны змяшчаць словазлучэнні “Руская праваслаўная царква” або “Маскоўскі патрыярхат”.
Сінод пастанавіў, што ў выпадку адсутнасці згаданых словазлучэнняў у найменнях БПЦ і яе кананічных структур, “такія назвы трэба прывесці ў адпаведнасць з гэтым вызначэннем”.
Такім чынам, 16 ліпеня фактычна было канстатавана, што БПЦ выканала патрабаванні Святога сінода РПЦ.
Праваслаўе ў Беларусі лічыцца дамінантнай хрысціянскай канфесіяй. Руская праваслаўная царква лічыць беларускую зямлю сваёй кананічнай тэрыторыяй, а Беларускі экзархат з’яўляецца часткай РПЦ.
Прыхільнік вайны патрыярх Кірыл заклікаў будаваць саюз Беларусі і РФ на "духоўнасці"
22 чэрвеня, Позірк. Калі Саюзная дзяржава Беларусі і Расіі будзе будавацца выключна "на прагматыцы — палітычнай, эканамічнай, імгненнай, то нічога не атрымаецца", заявіў патрыярх Маскоўскі і ўсяе Русі Кірыл 21 чэрвеня пасля заканчэння літургіі ў Васкрасенскім саборы Брэста. Паводле яго …
