Ціханоўская: Вельмі хутка, спадзяюся, адкрыем офіс у Варшаве

18 ліпеня, Позірк. Спадзеў на тое, што ў Варшаве “вельмі хутка” будзе адкрыты офіс, выказала беларускі дэмакратычны лідар Святлана Ціханоўская 18 ліпеня на сустрэчы ў рамках фэсту TUTAKA (урочышча Борык у Падляскім ваяводстве Польшчы).

“Тут будзе крыху іншы фармат, чым у Вільні, — паведаміла яна. — Мы так мяркуем, што гэта будзе такі напалову хаб для ўсіх беларусаў, каму трэба прыйсці папрацаваць, пагаварыць. То бок там адзін паверх будзе для такіх актыўнасцяў — кожны зможа прыйсці, паразмаўляць, пасядзець. Мы такі фармат сабе ўяўляем”.

Паводле слоў Ціханоўскай, у Польшчы “больш працы з беларусамі”: “Тут больш гарадоў трэба наведаць, бо шмат беларусаў запрашае, таму больш працы”.

Палітык пераехала ў Варшаву на пачатку 2026-га. Да таго яна больш за 5 гадоў жыла з дзецьмі ў Літве.

Падрабязнасці даступныя падпісчыкам “Позірк+”