З пачатку 2026 года колькасць спробаў нелегальнай міграцыі з тэрыторыі Беларусі ў ЕС перавысіла 10 тыс.
27 ліпеня, Позірк. З пачатку 2026 года колькасць спробаў нелегальнай міграцыі з тэрыторыі Беларусі ў Еўразвяз перавысіла 10 тыс. і дасягнула 10.058, сведчыць праведзены “Позіркам“ аналіз масіва штодзённых звестак памежных службаў суседніх краін ЕС.
Найбольш напружаная сітуацыя на латвійска-беларускай мяжы, на якую прыйшлося 87,6% усіх спробаў (8.813). Удзельная вага Літвы — 9,5% (960), Польшчы — 2,8% (285).
З пачатку ліпеня адзначана 2.172 спробы незаконнага пранікнення з Беларусі ў ЕС грамадзян трэціх краін, у тым ліку ў Латвію — 2.028 (доля 93,4%), Літву — 88 (4,1%), Польшчу — 56 (2,6%). За ўвесь чэрвень Польская памежная ахова зарэгістравала 14 спробаў, або ў 4 разы менш.
Міграцыйны крызіс на мяжы Беларусі і краін ЕС працягваецца з вясны 2021 года. Улады суседніх еўрапейскіх дзяржаў лічаць яго “гібрыднай атакай”, арганізаванай рэжымамі ў Мінску і Маскве.
Аляксандр Лукашэнка неаднаразова заяўляў, што беларускія пагранічнікі не будуць спыняць нелегальных мігрантаў, якія ідуць у Еўрасаюз праз Беларусь, таму што іх туды нібыта паклікалі.
