Украіна не пагражае Беларусі, але Мінск павінен разумець, з чым сутыкнецца ў выпадку далучэння да вайны — Дземчанка
Спікер Дзяржаўнай памежнай службы Украіны Андрэй Дземчанка
8 жніўня, Позірк. Дзяржаўная памежная служба Украіны (ДПСУ) і Генштаб украінскіх Узброеных сіл цяпер не назіраюць “нарошчвання якой-небудзь ударнай групоўкі <…> на тэрыторыі Беларусі”, заявіў у эфіры тэлемарафону спікер ДПСУ Андрэй Дземчанка.
“Але, зноў жа, ціск з боку Расіі на Беларусь захоўваецца, каб яна больш актыўна далучалася да вайны супраць нашай краіны”, — цытуе чыноўніка партал “Слова і справа”.
Дземчанка канстатаваў, што ўкраінска-беларуская мяжа цяпер “значна лепш умацаваная, чым у 2022 годзе”. Гаворка пра ўзмацненне інжынернага абсталявання, фартыфікацый і мінна-выбуховых загародаў на “найбольш пагрозлівых напрамках”.
“Беларусь павінна разумець і бачыць, што мы робім, што мы не нясем пагрозы для Беларусі, але калі раптам Беларусь сваімі сіламі вырашыць далучыцца да вайны, то яна павінна разумець, з чым ёй давядзецца мець справу”, — заявіў прадстаўнік ДПСУ.
У чэрвені стала вядома, што намеснік кіраўніцы Аб’яднанага пераходнага кабінета, кіраўнік Народнага антыкрызіснага ўпраўлення (НАУ) Павел Латушка накіраваў міністру замежных спраў Украіны Андрэю Сібігу ліст і 30-старонкавы даклад НАУ, “які фіксуе поўную трансфармацыю Беларусі ў ваенны плацдарм” Расіі.
У дакуменце пазначаны “шэраг ключавых прыкмет таго, што рэжым [Аляксандра] Лукашэнкі вядзе актыўную падрыхтоўку да прамога ўступлення ў ваенны канфлікт альбо надання тэрыторыі для новых удараў”.
Украіне перададзены даклад НАУ пра "трансфармацыю Беларусі ў ваенны плацдарм РФ"
22 чэрвеня, Позірк. Ліст і 30-старонкавы даклад Народнага антыкрызіснага ўпраўлення (НАУ), які "фіксуе поўную трансфармацыю Беларусі ў ваенны плацдарм" Расіі, накіраваў міністру замежных спраў Украіны Андрэю Сібігу кіраўнік НАУ, намеснік кіраўніцы Аб'яднанага пераходнага кабінета (АПК) Павел Латушка. Паводле інфармацыі прэс-службы …
