Расія вярнула ў Беларусь 750 кг мясной і малочнай прадукцыі, якая перавозілася без дакументаў

4 верасня, Позірк. Аб спыненні трох выпадкаў незаконнага перамяшчэння агулам 750 кг гатовай мясной і малочнай прадукцыі, якая перавозілася з Беларусі, паведаміла 3 верасня Паўночна-Заходняе ўпраўленне Федэральнай службы РФ па ветэрынарным і фітасанітарным наглядзе (Рассельгаснагляд).

Выпадкі выявілі з 20 да 27 жніўня ў в. Лабок на расійска-беларускім участку дзяржаўнай мяжы ў Пскоўскай вобласці.

Пры праверцы інспектары ўстанавілі, што на партыі малака і каўбасных вырабаў не было ветэрынарных суправаджальных дакументаў, якія пацвярджаюць паходжанне і бяспеку прадукцыі. Акрамя таго, тавары, якія патрабуюць захавання тэмпературнага рэжыму, перавозіліся без халадзільнага абсталявання, з парушэннем ветэрынарна-санітарных патрабаванняў.

“Перамяшчэнне 750 кг гатовай прадукцыі па мытнай тэрыторыі Еўразійскага эканамічнага саюза забаронена, у суправаджэнні актаў аб вяртанні грузы былі вернуты на тэрыторыю <…> Беларусі”, — гаворыцца ў рэлізе.

У адносінах да ўладальнікаў прадукцыі складзены пратаколы аб адміністрацыйных правапарушэннях.