Матэрыял даступны толькі падпісчыкам
ПОЗІРК+Беларусь і Манголія заключылі 17 пагадненняў на 50 млн долараў (падрабязна)
Матэрыял даступны толькі падпісчыкам
ПОЗІРК+
У рамках праверкі 51-я артылерыйская брыгада прыводзіцца ў найвышэйшыя ступені баявой гатоўнасці
12 верасня, Позірк. У рамках праверкі 51-я гвардзейская артылерыйская брыгада (Асіповічы, Магілёўская вобласць) падвышае ступень баявой гатоўнасці, вынікае з апублікаванага 12 верасня паведамлення Міністэрства абароны.
“Сёння было атрыманае распараджэнне ад найвышэйшага штаба на прывядзенне брыгады ў найвышэйшыя ступені баявой гатоўнасці, — заявіў камандзір брыгады Сяргей Чайко. — Праведзены комплекс першачарговых мерапрыемстваў, пастаўленыя задачы. Людзі гатовыя. У далейшым чакаем пастаўку мабілізацыйных рэсурсаў: вайсковаабавязаных і тэхнікі. У далейшым у брыгадзе пройдзе баявое зладжванне сфармаваных падраздзяленняў”.
Дзяржаўны сакратар Савета бяспекі Аляксандр Вальфовіч 24 жніўня ўручыў міністру абароны Віктару Хрэніну распараджэнне на выкананне навучальна-баявых задач “адной з артылерыйскіх брыгад Узброеных сіл цэнтральнага падпарадкавання” (як пазней высветлілася, 51-й артылерыйскай брыгадай). Чыноўнік тады заявіў, што фарміраванне будзе прыведзенае ў гатоўнасць да “выканання задач паводле прызначэння з адмабілізаваннем і даўкамплектаваннем да штатаў ваеннага часу асобных падраздзяленняў”.
“У адрозненне ад папярэдняй праверкі, дзе распараджэнні ўручаліся непасрэдна камандзірам вайсковых часцей, асаблівасцю цяперашняга кантролю з’яўляецца праверка функцыянавання ўсёй вертыкалі кіравання ад міністра абароны да камандзіра асобнага падраздзялення, — заявіў Вальфовіч. — Асаблівая ўвага будзе нададзеная пытанням выкарыстання сучасных спосабаў агнявога паражэння і кіравання ім з улікам досведу ваенных канфліктаў ва Украіне і Іране”.
Дзяржсакратар Савета бяспекі адзначыў, што мэтай “мерапрыемстваў, спланаваных у другім навучальным паўгоддзі”, з’яўляюцца вывучэнне, “ці ліквідаваныя недахопы, выяўленыя падчас папярэдняй праверкі”, а таксама праверка гатоўнасці злучэнняў і вайсковых часцей “да вядзення баявых дзеянняў у сучасных умовах”.
Большая частка мерапрыемстваў па праверцы арміі Беларусі каардынуецца з Масквой — прэс-сакратар Пуціна
12 верасня, Позірк. Расія ўцягнутая ў працэс праверкі баявой гатоўнасці арміі Беларусі, вынікае з заявы Дзмітрыя Пяскова, прэс-сакратара прэзідэнта РФ, якую прыводзіць агенцтва "Інтэрфакс". На пытанне журналістаў, ці каардынуе Мінск з Масквой мерапрыемствы па праверцы баявой гатоўнасці беларускай арміі, спікер …
У Беларусі з пачатку 2026 года прайшло мінімум два дзясяткі буйных вучэнняў вайсковых і міліцыі — аналіз
Апублікавана на адкрытай версіі "Позірку" 3 верасня 2026 года ў 10:18 2 верасня, Позірк. З пачатку 2026 года ў Беларусі прайшлі дзясяткі буйных і дробных вайсковых вучэнняў, а таксама вучэнняў, якія праводзіць Міністэрства ўнутраных спраў (у тым ліку з прыцягненнем …
