16 верасня, Позірк. Старшыня Аб’яднанага пераходнага кабінета, дэмакратычны лідар Святлана Ціханоўская і яе намеснік, кіраўнік Народнага антыкрызіснага ўпраўлення Павел Латушка віталі вызваленне 25 беларускіх палітвязняў, якое адбылося 16 верасня.
Палітык “рада за кожнага чалавека, які сёння нарэшце набыў свабоду, як рада і за іх сем’і і блізкіх, якія чакалі гэтага дня”.
“Мы таксама бачым, наколькі складанымі з’яўляюцца перамовы аб вызваленні такіх людзей. Кожнае вызваленне патрабуе велізарных намаганняў, і відавочна, што Лукашэнка не хоча вызваляць усіх палітвязняў. Таму я ўдзячная спецпрадстаўніку Джону Коўлу і ЗША за складаныя перамовы, якія працягваюцца”, — напісала Ціханоўская ў сацсетцы X.
“Нягледзячы на ўсе выклікі, гэтыя намаганні даюць практычны гуманітарны вынік — людзей вызваляюць. Менавіта таму гэта работа не павінна спыняцца. ЗША і Еўропа павінны працягваць каардынаваць свае намаганні і падтрымліваць працэс забеспячэння вызвалення людзей”, — лічыць дэмлідар.
Яна адзначыла: “Сёння, нараўне з нашай радасцю за вызваленых, мы памятаем пра тых, хто застаецца за кратамі. Іх сотні. За кожнай лічбай стаіць чалавек, яго сям’я і блізкія, якія працягваюць чакаць”.
Заклікаўшы працягваць працу да таго часу, пакуль усе палітвязні не апынуцца на волі, Ціханоўская падкрэсліла: “Мы будзем сустракаць вызваленых, дапамагаць ім нанова будаваць сваё жыццё пасля зняволення і працягваць нагадваць свету пра ўсіх, хто ўсё яшчэ чакае свайго дня свабоды”.
Латушка ў той жа сацсетцы падзякаваў Коўлу за “выратаванне яшчэ 25 чалавек з турмаў рэжыму [Аляксандра] Лукашэнкі ад імя прэзідэнта Дональда Трампа”: “Ваша праца неацэнная. Нягледзячы на хлусню Лукашэнкі аб тым, што ў Беларусі няма рэпрэсій і палітычных зняволеных, беспрэцэдэнтныя рэпрэсіі інфармацыі. “Вясна” па-ранейшаму знаходзяцца 886 палітычных зняволеных, а [ініцыятыва] Dissidentby паведамляе пра 948″*.
16 верасня па выніках перамоваў у Мінску Коўла і Лукашэнка вызвалена 25 палітвязняў. Яны вывезены ў Літву.
Ціханоўская сустрэла іх у Вільнюсе.
* На сустрэчы з Коўлам 15 верасня ў Мінску Лукашэнка адмаўляў наяўнасць палітвязняў і новыя палітычна матываваныя затрыманні: “Нашы “збеглыя“ разганяюць тэму на Захадзе, і вас, адчуваю, пераканалі ў тым, паводле маіх звестак, што мы кагосьці тут адпускаем, але працягваючы рэпрэсіі. што гэта абсалютная няпраўда”.
Пры гэтым, паводле даных ПЦ “Вясна”, за перыяд з 19 сакавіка, калі намаганнямі адміністрацыі ЗША ўдалося вызваліць з месцаў несвабоды ў Беларусі 250 чалавек, па 15 верасня палітвязнямі прызнана 224 чалавекі. Яшчэ 138 чалавек атрымалі статус былых палітвязняў (пра пераслед стала вядома пасля вызвалення).
Аўтарызавацца
Забыліся пароль?
Выхад з профілю
