Лукашэнка запатрабаваў, каб удзельнікі народнага апалчэння навучыліся “ўхіляцца ад кулі”

16 кастрычніка, Позірк. “Некалькі парадаў” па падрыхтоўцы атрадаў народнага апалчэння даў Аляксандр Лукашэнка, наведваючы 16 кастрычніка Верхнядзвінскі раён (Віцебская вобласць, мяжуе з Латвіяй і Расіяй).
Як паведамляе прэс-служба Лукашэнкі, падчас рабочай паездкі ён назіраў за трэніроўкай атрада, створанага на базе паляўнічай гаспадаркі “Чырвоны бор”. У атрад уваходзяць работнікі гэтай гаспадаркі і аднайменнага турыстычнага комплексу.
“Галоўнае — гэта нават не стральба. Галоўнае — гэта фізічная падрыхтоўка. Вы павінны навучыцца ўхіляцца ад кулі”, — завіў палітык.
“Ствараючы гэтую структуру, я меў на ўвазе, што ў кожным сельсавеце павінен быць атрад народнага апалчэння. Гэта ядро. У выпадку ваенных дзеянняў гэта ядро можа пашырацца. База, на якой ствараецца народнае апалчэнне, — гэта сельскі савет. Узбраенне для вас нарыхтавана. Гэта справа вайскоўцаў. Аўтамат, гранаты, кулямёт вы будзеце мець. А тут яшчэ БПЛА. Гэта добра, што вы асвоілі беспілотнікі”, — сказаў ён.
“У вас адно падраздзяленне, добрае падраздзяленне. Але гэтага мала. І трэба нам пашырацца. Трэба дзесьці яшчэ ствараць такія базавыя атрады. Яны павінны быць звязаныя паміж сабой”, — адзначыў Лукашэнка.
Ён таксама нагадаў, што раней даручыў кіраўніку Беларускага таварыства паляўнічых і рыбаловаў (былому кіраўніку МУС. — “Позірк”.) Ігару Шуневічу прыцягваць у народнае апалчэнне людзей, якія ўмеюць абыходзіцца са зброяй.
“Гэта ў самым нізе народнае апалчэнне. Далей тэрытарыяльная абарона — абарона інфраструктурных аб’ектаў. Народнае апалчэнне, тэрытарыяльная абарона і наверсе армія. Натуральна, уся гэтая структура пад камандаваннем прэзідэнта”, — заявіў ён.
У чэрвені 2022 года, праз 3,5 месяцы пасля пачатку расійскай вайсковай агрэсіі ў дачыненні да Украіны, Лукашэнка заявіў, што з улікам “негатыўнага ўкраінскага досведу” прыняў рашэнне “на ўсялякі выпадак пры кожным сельскім савеце мець вось гэта — назваў я яго — народнае апалчэнне, гэтую групку людзей”. “Гэта будзе няшмат. Ну, можа, 50 чалавек. Але яны таксама павінны мець сваю зброю дзесьці на складзе. Мы іх заклікаем для навучання — яны ўзялі свой аўтамат (гэта ў асноўным аўтамат, гранатамёт, пісталет; што, яны на танках будуць ездзіць? не), каб маглі абараніць свой дом”, — сказаў палітык.
У выпадку ваенных дзеянняў, заяўляў ён, атрады народнага апалчэння могуць трансфармавацца ў партызанскі рух і стаць рэзервам для тэрытарыяльнай абароны.


- Палітыка, Эканоміка
- Грамадства, Палітыка
- Грамадства, ПалітыкаБеларусы зноў сярод замежнікаў, высланых з Грузіі за апошнія дні (падрабязна)Матэрыял даступны толькі падпісчыкам ПОЗІРК+
- Грамадства, ПалітыкаМігранты больш за 500 разоў з пачатку лістапада спрабавалі трапіць праз Беларусь у ЕСМатэрыял даступны толькі падпісчыкам ПОЗІРК+
- Грамадства, Палітыка, Палітыка
- Грамадства, ПалітыкаНа патрабаванне ўладаў Польшчы за мінулы тыдзень краіну пакінула 22 грамадзяніны Беларусі (падрабязна)Матэрыял даступны толькі падпісчыкам ПОЗІРК+
- ПалітыкаХроніка палітычных рэпрэсій за 14–16 лістапада 2026 годаМатэрыял даступны толькі падпісчыкам ПОЗІРК+
- Палітыка, Эканоміка
- Грамадства
- Эканоміка
- ЭканомікаЗа пяць гадоў запасы прампрадукцыі на складах выраслі больш чым удвая (падрабязна)Матэрыял даступны толькі падпісчыкам ПОЗІРК+
- Бяспека, Палітыка
- Палітыка, Эканоміка
- Грамадства, Палітыка
- Грамадства
- Грамадства, Палітыка
- Грамадства, Палітыка
- Грамадства
- Грамадства
- Грамадства

